Gaven avù

No so se son viva,
me par de vederte ancora
chi sentà zò come alòra.
Son drèo a nàr,
sento che el Signoridio el me ciàma.
Entànt penso che gavèn avù tant,
de tut.
Sen stadi fortunadi
no n’è mancà niènt.
Se stadi ensèma
su e zò per el mondo,
come end’en girotondo.
L’è ora! I vol che vaga.
Mi me preparo,
ti no stà piànzer.
Te me vedrai vestìda de bianc
dentro e fora dale nùvole,
te farò segn quando no te saverài da che banda nar.
No stà desmentegàrte che gavèn avù de tut:
mari, monti, richeze e certeze,
viazi e compagnie,
gavèn avù pianti e dolori
de tuti i saòri,
ma la cosa pu bela
l’è l’amor che n’ha fat da stéla.
Soridi adès e va drit per la to strada.
Meti a posto la cosìna
come se fusa lì domàn matina.

Sogneme quando el fioca lasù en montagna...